Related Posts
Category : National
કાનપુરની ફેક્ટરીમાં ભયાનક વિસ્ફોટ, ઓઈલ ટેન્ક ફાટતાં 2 શ્રમિકોના મોત
Kanpur Factory Blast : ઉત્તર પ્રદેશના કાનપુર દેહાત સ્થિત એક ટાયર ફેક્ટરીમાં ઓઈલ ટેન્કમાં પ્રચંડ ધડાકા સાથે ભીષણ આગ ફાટી નીકળતા બે શ્રમિકોના કરુણમોત થયા છે. ગજનેર પોલીસ સ્ટેશન વિસ્તારના જરિહા ગામમાં આવેલી ઓમ. જે.વી.આર.ડી ટાયર ફેક્ટરીમાં બનેલી આ કરુણ ઘટનાથી સમગ્ર પંથકમાં અરેરાટી ફેલાઈ ગઈ હતી અને ભયનો માહોલ સર્જાયો હતો. બ્લાસ્ટ એટલો તીવ્ર હતો કે આકાશમાં કાળા ડિબાંગ ધુમાડાના ગોટે ગોટા અને આગની વિકરાળ જ્વાળાઓ દૂર દૂર સુધી જોવા મળી હતી.
UP: कानपुर की ओम जेवीआरडी टायर फैक्ट्री में तेल टैंक लोडिंग के समय आग लग गई। तेल टैंक धमाके के साथ फट गया। फैक्ट्री में काम कर रहे कई मजदूर अंदर फंस गए है। दो मजदूर जिंदा जलकर मर गए। आग की लपटें दो किलोमीटर दूर तक दिख रही थीं। रेस्क्यू जारी है। pic.twitter.com/QEixqsqisB
— Madan Mohan Soni (@madanmohansoni) September 21, 2026
ટાયરમાંથી ઓઈલ કાઢતી ટેન્કમાં લાગી આગ
કાનપુર દેહાતના ચીફ ફાયર ઓફિસર (CFO) પ્રતીક શ્રીવાસ્તવે જણાવ્યું હતું કે, સાંજે આશરે 5:50 વાગ્યે માતી ફાયર સ્ટેશનને ઓમ જેવીઆરડી ટાયર ફેક્ટરીમાં આગ લાગવાની માહિતી મળી હતી. આ ફેક્ટરીમાં જૂના ટાયરોને પ્રોસેસ કરીને તેમાંથી ઓઈલ કાઢવામાં આવે છે. પ્લાન્ટમાં ઓઈલ સ્ટોરેજ માટે બે મોટી ટેન્ક આવેલી છે, જેમાંથી એક ટેન્કમાં અચાનક પ્રચંડ ધડાકા સાથે આગ ભભૂકી ઉઠી હતી. ફાયર બ્રિગેડની ટીમે તાત્કાલિક સ્થળ પર પહોંચી પાણીનો છંટકાવ શરૂ કર્યો હતો અને ત્યાર બાદ સ્પેશિયલ ફાયર ફાઇટિંગ ફોમનો ઉપયોગ કરીને આગ પર સંપૂર્ણ કાબૂ મેળવી લીધો હતો.
VIDEO | Kanpur Dehat: Prateek Srivastava, CFO, Kanpur Dehat, says, "Today at around 5:50 pm, a fire incident was reported to the Mati Fire Station. We received information that a fire had broken out at the Om JBD Tyre Factory… On reaching the site, we found that the factory… pic.twitter.com/rhxs3f8PpL
— Press Trust of India (@PTI_News) September 21, 2026
પોલીસ વડાએ બે શ્રમિકોના મોતની પુષ્ટિ કરી
ઘટનાની જાણ થતાં જ કાનપુર દેહાતના એસપી શ્રદ્ધા નરેન્દ્ર પાંડે, એડિશનલ એસપી સહિતના ઉચ્ચ અધિકારીઓ ઘટનાસ્થળે પહોંચી ગયા હતા. પોલીસ વડાએ પુષ્ટિ કરી હતી કે આ દુર્ભાગ્યપૂર્ણ દુર્ઘટનામાં બે લોકોના મોત નિપજ્યા છે. બંને મૃતદેહોને પોસ્ટમોર્ટમ અને આગળની કાનૂની પ્રક્રિયા માટે મોકલી આપવામાં આવ્યા છે. હાલ અન્ય કોઈ વ્યક્તિ ઘાયલ હોવાની માહિતી નથી.
ફેક્ટરી માલિક અને મેનેજર સામે તપાસનો દોર
દુર્ઘટના બાદ પોલીસે ફેક્ટરી માલિક અને ડ્યુટી મેનેજરને પૂછપરછ માટે બોલાવ્યા છે. ફેક્ટરીમાં સુરક્ષાના પૂરતા નિયમોનું પાલન થતું હતું કે નહીં અને ટેન્કમાં બ્લાસ્ટ કયા ચોક્કસ કારણોસર થયો તેની ઊંડાણપૂર્વક તપાસ શરૂ કરવામાં આવી છે. હાલ પરિસ્થિતિ નિયંત્રણ હેઠળ છે અને કોઈપણ અનિચ્છનીય બનાવ ટાળવા માટે ઘટનાસ્થળ પર સતત નજર રાખવામાં આવી રહી છે.
Load more
